NOVENA YA MT. RITHA WA KASHIA SIKU KWANZA


Kwa jina la Baba,na la Mwana na la Roho Mtakatifu. Amina.

Ee Mtakatifu Rita  mfanya miujiza,uniangalie kwa macho yako yenye huruma,mimi ninaye teseka na kutoa machozi. Uone moyo wangu unaotoka damu umezungukwa na miiba. Yaonr macho yangu, ee Mtakatifu Rita,kuwa hayatoki machozi tena kwani machozi mengi yamenitoka!

Nimechoka na kukata tamaa. Nimechoka pia kusali. Je, nikate tamaa katika misukosuko hii ya maisha yangu? Uje! Ee Mtakatifu Rita, njoo hima unisaidie. Je, wakristo hawakuiti Mtakatifu wa mambo yaliyoshindikana na mwombezi wa waliokata tamaa? Basi dhihirisha ukuu wa jina hilo, kwa kunijalia toka kwa Mungu yote ninayokuomba (hapa omba   hitaji   lako   unalotaka   kumwomba Mungu   kupitia   Mtakatifu   Rita).

Kila mtu anasifia utakatifu wako. Kila mtu anasimulia maajabu na miujiza Mungu anayotenda kwa njia yako. Je,mimi tu nitakataliwa na kukatishwa tamaa kwa vile hujanisikia? Hapana. Uniombee kwa Bwana Yesu ili anionee huruma na kunisaidia katika masumbuko na mahangaiko yangu. Kwa maombezi yako, Ee Mtakatifu Rita,niweze kupokea kile ambacho moyo wangu unatamani sana.

Baba   yetu   ×3   Salamu   Maria   ×3   na   Atukuzwe   Baba   ×3

Kwa njia ya Mtakatifu Rita:- homa,madonda na tauni,viini vya maradhi mbalimbali,mapepo na ghadhabu vitoweke. Unawasaidia   vipofu ,  viziwi,   bubu   na   viwete :  watoto   wanaomba   sana   na   wafu wanarudishiwa   uhai.

Kwa maombezi yako:- radi,tetemeko la ardhi na moto havina nguvu. Kwa utakatifu wako mitego yote,hatari kubwa na vitisho vyote hutoweka. Unawasaidia   vipofu,  viziwi,   bubu   na   viwete : watoto   wanaomba   sana   na   wafu wanarudishiwa   uhai.

Hispania wanakutangaza kuwa Mtakatifu wa mambo yaliyoshindikana. Watu wengi wanaimba sifa zako . Kashia hutukusa jina lako. Unawasaidia   vipofu ,  viziwi,   bubu   na   viwete :  watoto   wanaomba   sana   na   wafu wanarudishiwa   uhai.

Kwa Mungu Mtakatifu na kwa Mwanae ziwe sifa,utukufu na heshima,sifa kwa karne zote za pendo la milele. Unawasaidia   vipofu ,  viziwi,   bubu   na   viwete :  watoto   wanaomba   sana   na   wafu wanarudishiwa   uhai.

Kiongozi : Umemtia alama Ee Bwana,mtumishi wako Rita. 

Wote: Kwa mhuri wa upendo na mateso.

TUOMBE

Ee Mungu, uliyekubali kumtawadha Mtakatifu Rita kwa neema,hata akakubali kuwapenda adui zake hadi akapata rohoni mwake na katika paji la uso alama za upendo na mateso. Tunakuomba kupitia maombezi yake, neema za za kusamehe adui zetu na kutafakari maumivu ya mateso yako,ili tupate tuzo ulilotuahidia kwa wapole na wanaoteseka. Unayeishi na kutawala,daima na milele. Amina.

Litania Kwa Mtakatifu Rita wa Kashia……. (ipo mwisho wa sala zote)

 


Comments

Post a Comment

Popular posts from this blog

Litania Ya Huruma ya Mungu

Bwana utuhurumie – Bwana utuhurumie. Kristu utuhurumie – Kristu utuhurumie. Bwana utuhurumie – Bwana utuhurumie. Kristu utusikie – Kristu utusikilize.   Baba wa mbinguni Mungu – utuhurumie Mwana Mkombozi wa dunia Mungu – utuhurumie Roho Mtakatifu Mungu – utuhurumie Utatu Mtakatifu Mungu mmoja –utuhurumie. Huruma ya Mungu iliyo sifa kuu ya Muumba wetu ~Tunakutumainia [KIITIKIO: Tunakutumainia]     Huruma ya Mungu iliyo kilele cha ukamilifu wa Mwokozi wetu. Huruma ya Mungu iliyo upendo usiopimika wa Roho Mtakasa. Huruma ya Mungu fumbo lisilofahamika la Utatu Mtakatifu Huruma ya Mungu iliyo ishara ya uwezo mkuu wa Mungu Mwenyezi. Huruma ya Mungu iliyofumbuliwa katika kuziumba Roho za Malaika wa mbinguni. Huruma ya Mungu iliyotuumba na kutuamuru tuwepo bila kutokana na chochote. Huruma ya Mungu inayotujalia maisha ya kutokufa. Huruma ya Mungu inayotukinga na adhabu tunazostahili. Huruma ya Mungu inayotuinua tutoke katika taabu, unyonge na maumivu ya d...
Read more

LITANIA KWA MT RITA WA KASHIA

Bwana Utuhurukie, Kristo Utuhurumie, Bwana Utuhurumie, Kiitikio ”Utuhurumie” Baba wa Mbinguni, Mungu, Mwana Mkombozi wa Dunia,Mungu, Roho Mtakatifu, Mungu, Utatu Mtakatifu, Mungu Mmoja,   Maria Imakulata Mama wa Mungu …………………….. Kiitikio ”Utuombee” Maria, Mama mfariji wa wanaoteseka Maria, Malkia wa Watakatifu wote Maria, Mwombezi mpenzi wa Mt Rita …………………….. Kiitikio ”Utuombee” Mt Rita, Zawadi toka Mbinguni …………………….. Kiitikio ”Utuombee”   Mt Rita, Mwombezi wetu mwenye nguvu: Mt Rita, uliyejaliwa Utukufu: Mt Rita, mstaajabiwa tangu utoto wako: Mt Rita, mpenda upweke: Mt Rita, Kielelezo cha usafi wa moyo: Mt Rita, kielelezo cha upole wote: Mt Rita, kielelezo cha mke mwema: Mt Rita, kielelezo bora cha mama mtaratibu: Mt Rita, kielelezo cha msamaha wa kweli: Mt Rita, kielelezo hai cha kujikatalia: Mt Rita, kioo cha maisha ya kitawa: Mt Rita, kioo cha utii; Mt Rita, mvumilivu wa kustajabiwa; Mt Rita, shujaa wa kujitoa sadaka; Mt Rita, shahid...
Read more

Kusali Rozari Nzima: Maana, Faida, na Jinsi ya Kusali

1. Maana ya Kusali Rozari Nzima Kusali Rozari Nzima kunamaanisha kusali Matendo(Siri) yote ishirini ya Rozari Takatifu, ambayo yamegawanyika katika sehemu nne: Matendo ya Furaha (Jumatatu & Jumamosi) Matendo ya Mwanga (Alhamisi) Matendo ya Huzuni (Jumanne & Ijumaa) Matendo ya Utukufu (Jumatano & Jumapili) Kwa kawaida, waamini husali sehemu moja ya Rozari kulingana na siku, lakini kusali Rozari Nzima maana yake ni kusali sehemu zote nne kwa pamoja, yaani jumla ya Salamu Maria 200, Baba Yetu 20, na Atukuzwe 20. 2. Faida za Kusali Rozari Nzima  Kuimarika kiroho – Rozari inatufanya tuwe na ukaribu na Mungu kupitia tafakari ya maisha ya Yesu na Maria.  Kufanikisha toba na wongofu – Kupitia tafakari ya mateso ya Yesu, tunapata neema ya kutubu dhambi.  Kukua katika fadhila – Rozari inatufundisha kuwa na subira, imani, upendo, na unyenyekevu.  Ulinzi dhidi ya majaribu – Mama Maria anatusaidia kushinda majaribu ya Shetani.  Kupokea rehema kwa dunia nzima – Ro...
Read more